Mwanamuziki wa nyimbo za injili nchini Gloria Muliro amethibitisha kuingia kwenye mahusiano mapya na mwanaume wa ndoto yake ikiwa ni miaka sita baada ya kuachana na aliyekuwa mume wake Pastor Eric Omba.
Akipiga stori na gazeti moja nchini Gloria Muliro ambaye anafanya vizuri wimbo wake mpya uitwao “Anatenda” amethibitisha kufunga ndoa nyingine na kasisi aitwaye “Evans Sabwami” na tayari wamefanya harusi ya kitamaduni.
Aidha ameenda mbali zaidi na kusema kwamba sasa hivi wana mpango wa kuandaa harusi ya kanisani kukamilisha mchakato wa kuhalalisha ndoa yao.
Ikumbukwe Gloria muliro alifunga ndoa na Pastor Eric Omba mwaka wa 2009 lakini walikuja wakaachana mwaka wa 2015 baada ya ndoa yao kuingiwa na ukungu.
